ការដឹកជញ្ជូនសាធារណៈនៅក្នុងរាជធានីភ្នំពេញនៅមិនទាន់ទំនើបទាន់សម័យនៅឡើយដែលនេះជាឱកាសសម្រាប់ស្ថាបត្យករ ក្នុងការកែលម្អឲ្យកាន់តែប្រសើរឡើងនូវបទពិសោធន៍សម្រាប់អ្នកប្រើប្រាស់រថយន្តក្រុងជំនាន់ថ្មី ។ ដោយបណ្តាញផ្លូវថ្នល់ក្នុងរាជធានីភ្នំពេញមានភាពបត់បែន ខ្វាត់ខ្វែងច្រើន ដែលធ្វើឲ្យការច្នៃប្រឌិតថ្មីតែងតែប្រឈម ជាមួយនឹងភាពស្មុគ្រស្មាញ ដូច្នេះ ទើបយើងលើកទឹកចិត្តដល់ការបង្កើតគំនិតថ្មីដើម្បីជួយពង្រឹងប្រសិទ្ធភាពនៃ ប្រព័ន្ធដឹកជញ្ជូនសាធារណ:នៅក្នុងរាជធានីភ្នំពេញ ។

តើ​គម្រោង​នេះ​អាច​ប្រើ​ជា​គំរូ​ដែល​អាច​ដាក់ប្រើប្រាស់នៅ​ទូទាំង​ទីក្រុង​បាន​ឬទេ ? ឬ​គ្រាន់​តែ​ជា​ការ​សិក្សាពីគ្រឿងបង្គុំនៃស្ថាប្យកម្មតែប៉ុណ្ណោះ?នេះប្រហែលគ្រាន់តែជាការរចនាសម្រាប់ទីតាំងជាក់លាក់ណាមួយ ដែលមិនអាចយកទៅដាក់ប្រើប្រាស់នៅទីតាំងផ្សេងដទៃទៀតនោះទេ។យើងលើកទឹកចិត្តដល់បេក្ខជន ឱ្យចូលរួមការ ប្រកួតប្រជែងនេះដោយរចនាទៅតាមគំនិតច្នៃប្រឌិតផ្ទាល់ខ្លួននិងខុសពីមុនដោយមានការរួមបញ្ចូលជាមួយនឹងមុខងារថ្មីៗ។