ទិដ្ឋភាពទូទៅ

នៅក្នុងប្រទេសកម្ពុជា ផ្សារគឺជាផ្នែកមួយនៃជីវិតប្រចាំថ្ងៃតាំងពីយូរយារណាស់មកហើយ។ផ្សារភាគច្រើនស្ថិតនៅតាមទីជនបទនិងតាមបណ្តោយដងផ្លូវក្នុងទីក្រុងដែលមានភាពអ៊ូអរនិងមានច្រើនទម្រង់​ដូចជាផ្សារត្រី ផ្សាររាត្រី និងទីផ្សារលើទឹកជាដើម។ អស់ជាច្រើនសតវត្សមកហើយ ផ្សារបានក្លាយជាផ្នែកដ៏សំខាន់នៃ​សេដ្ឋកិច្ចនិងជានិមិត្តរូបនៃវប្បធម៌ដ៏សម្បូរបែបរបស់ប្រទេសដែលសកម្មភាពខ្លះត្រូវបានបង្ហាញតាម​ប្រាសាទ​បុរាណ។

ផ្សារ​ក្នុង​ប្រទេស​កម្ពុជាគឺតែងតែមាន​ភាព​រស់​រវើកជានិច្ច តាមរយ:ការរូមបញ្ចូលគ្នានៃទិដ្ឋភាព សំឡេង និង​ក្លិន។ ផ្សារក៏នៅតែបន្តដើរតួនាទីយ៉ាងសំខាន់ក្នុងសេដ្ឋកិច្ច។ដោយសារតែប្រឈមមុខនឹងបញ្ហាពីកំណើននៃហាងទំនិញនិងផ្សារទំនើបក៏ដូចជាការកើនឡើងនៃការប្រកួតប្រជែងពីទម្រង់ពាណិជ្ជកម្មឌីជីថល​ដែលជាកត្តាធ្វើអោយមានចម្ងល់ថា តើ​ផ្សារនឹងដើរ​តួនាទី​ជាអ្វី​នៅថ្ងៃអនាគត?​នា​ពេល​បច្ចុប្បន្ន ទីក្រុងជាច្រើននៅជុំវិញពិភពលោកកំពុងវិនិយោគលើផ្សាររបស់ពួកគេដោយពួកគេដឹងច្បាស់អំពីតួនាទីដ៏សំខាន់ដែលផ្សារមាននៅក្នុងសេដ្ឋកិច្ចនិងមនុស្សនៅក្នុងទីក្រុង។ពីផ្សារកសិកររហូតដល់ផ្សារក្រមួន កន្លែងប្រមូលផ្តុំដ៏រស់រវើកទាំងនេះកំពុងបន្ថែមលក្ខណៈពិសេសដល់ទីក្រុងនិងផ្តល់ឱកាសសម្រាប់មនុស្សក្នុងការជួបជុំគ្នានិងភ្ជាប់ទំនាក់ទំនង។